收費電視

監於本人亦受不了世界盃壓力而安裝有線, 實在很有興趣有線條數係點計. 做左一輪簡單而粗疏既research後, 得出下列數據.

1. 有線家庭客仔收費. 以有波睇Plan計, 正價$269, 爛價$189, 我俾$229, 未計外加channel或睇四仔台.
2. 有線商業用戶收費. 每間卡拉OK 房 $3,500 - 5,000 月費
3. 有線05年總用戶738000, 加左5%, 平均每戶收$212. (Cable 05年報)
4. 有線獨家轉費世界盃, 代價係1億3千萬, 未計其他攪function支出.
5. 有線年報話 sales 行 pay-for-performance system, 有機會冇老底...
6. 有線(1097)16/6收市價$1.71, P/E 5.96, 高峰期去過三蚊. TVB(511)收43.75, P/E 16.24. 又一個實例證明講股佬用P/E及同業比較做買賣理由只係可以騙到d師奶...

有線雖然已進入回本期, 但TVB己殺到, 市場要新鮮既野, TVB除左有比較強既劇集後台, 亦有無線電視催眠代宣傳, 只要無線攞埋世界盃及其他大賽轉播權, 形勢可以大轉.

美金弱/貶值, HKD or RMB is better?

蟹仔擒日問左我一個問題, 係佢個客問佢既, 佢唔識答, 問下我咁話, 惟有一試. 依家試下寫番低, 可以再跟進.

問: 美金弱/貶值, HKD or RMB is better?

答: 其實港紙同人仔都係同美金掛鉤, 祖國keep 4千幾億美金, 香港keep千幾億, 美元跌, 基本上係一樣跌. 1) 呢d就係聯繫匯率, 上落唔係7.8, 就係7.7, 冇乜分別. 2) 美元跌, 港紙人仔跌可提高區內競爭力, 外資流入, 有著數. 但基本上, 港紙只可死跟, 但人仔就機會頂唔順美國佬日哦夜哦而升下一次, 升下又一次. 所以我既答案係人仔.

其實師奶們問既重點應該唔響度, 佢地可再引申, 美元跌, 買咩賺錢?
其實基本上之前幾個月已經話左你知, 熱錢入香港同大陸有幾個原因, 美金跌係其中一個原因, 因為賺美金既公司已經要為下跌而唔見左錢, 反正如此, 不如去有potental既地方搵過. 熱錢入黎其實係主要係炒人仔升值, 而炒人仔升既方法有幾個.
1) 買人仔 (不過人仔由人行話事, 封建到爆, 而人仔唔係任你換, 所以呢個方法對搵大錢既友仔, 係唔會有心機等d唔知幾時開花既鐵樹...)
2) 買中資股, 因為人仔升, 佢地net profit就會無拿拿多左~ 就好似歐羅對思捷重要性一樣.
3) 投資香港股市, 因香港有地利, 又"屍爬", 又甘三角, 可以一炒.

呢個現象應可玩到美元升番, 而美金個因為大選對夕, 係唔會大升番既, 反正美國經濟有雙赤, 都好九下...

Closer 誘心人

Closer透過4個人的故事, 機乎將愛情所有都寫了出來, 一幕緊接一幕, 當你還在消化剛出視的畫面, 你就要小心錯過導演的對下一個愛情觀點的表述. 雖然快得叫人氣喘, 但連貫性卻令人讚嘆.

Closer所涉獵的愛情包括一見鐘情、愛人、被愛、性、Cyber Sex、嫉妒、猜疑、成熟與天真、獨立與痴身、社會角色矛盾、第三者、婚外情、男飛女、女飛男、離婚、妓女、坦誠重要與否、迷戀、醒悟...... 仲有我可能數少左...

基本上, Closer不適合一對戀人一同觀看. 對純情的一群, 這可以令人了解情愛世界的深沉和負面, 但可是真實的. 對本來做得不好的(像我這類...), 正面的可以是反省機會, 但亦可能成為爆破的觸發點, 反正片中每一個題目都可以係炸彈.

片中最令人深刻的是Larry為向Dan報復, 並搶回一切(包括感情和肉體), 同時向兩個女人反攻. 先向Alice埋首, 佔有其肉體和心靈而向Dan報復, 你不仁我不義. 再誘騙Anna上床, 最重要的一步, 是引Anna就此事自動對Dan坦白, 以"tell each other the turth"為由, 放大"相愛應該坦誠"的"大道理, 分化Dan與Anna. 最後引Dan找回Alice, Larry再利用自己跟Alice的肉體關係, 令Dan再次進退失據, 最後Alice放棄了Dan, Anna回到Larry身邊. 這裏的最後一段, 就像將之前的一切做個總結同類的事情, 結果可以大相徑庭.

Closer看一次著實不夠, 可以的話, 最低限度應先以中文看一次, 先充份了解其脈絡, 再看一次英文字幕享受導演為大家設計的精彩對白. 必定更有體會.