華氏物語

Thursday, October 26, 2006

又言小額

近日憂心忡忡, 因公司小額仲裁事近, 加班作業, 夙夜匪懈, 以圖多集舉證, 當降敵害, 故空留博客封塵矣.

今日過堂, 吾好言相勸, 欲平息干戈, 求和而去. 然敵軍惡言相向, 吾憤然揮軍迎之. 與昔日簡言和好謂天壤之別.

遂領軍見官共商, 再不得共識. 故相方正式集証互毆, 由專業人士舉証, 先為控方, 再到辯方, 需互傳閱之. 來年一月過堂, 想必歷時一年半載, 糧草士氣必大耗, 惟李后性剛執著, 不輕降, 故一戰勢所難免...

詩歎曰: 小額干云觴擾亂 私讎興軍兩相亡


有感亂來文言一則...

Tuesday, October 10, 2006

大閘蟹

今晚生日飯有人請食大閘蟹, 所以check下佢既資料.

1. 大閘蟹 與 黃油蟹 的分別

大閘蟹是淡水蟹, 以江蘇省陽澄湖產的為上選. 黃油蟹係雌性青蟹,由於水溫影響,體內蟹膏溶化為黃油,流遍蟹蓋、蟹爪同蟹肉。(最貴係佢)

2. 點分公乸

雄蟹的肚部蓋奄是尖的, 雌蟹則是圓的.

3. 點揀靚蟹

所謂 :「九月團臍,十月尖」,即是說農曆9月,雌蟹蟹質肥美,宜食;農曆10月,雄蟹蟹膏肥腴,宜食。蟹黃即雌蟹之蟹卵,蟹膏即雄蟹之蟹精,雌雄蟹一齊吃,俗稱鴛鴦蟹,滋補可囗,人生一大樂事。

“肥大”一般的河蟹,應選背殼顏色深青,體厚堅實、肚臍凸出的,大閘蟹自然也不例外,要選其色素鮮明,輪廊明朗,蟹背深色,蟹腹雪白,螫夾肥大,爪毛金黃而密挺,蟹身重的較肥美。個體愈肥大愈好。

“生猛”由於大閘蟹都用草綁住的,故要選蟹隻口弄泡沫,且有「淅瀝」聲,同時若用手指輕觸蟹眼,眼睛能閃動,向內縮的,即為新鮮生猛。

買黃油蟹記住要齊爪,唔係D油會流晒出。 要記住先將蟹雪死先蒸,咁可以防止D油會因隻蟹掙扎時候流失。不要以為經常走動的蟹夠生猛,其實滿布油質的黃油蟹行動會較遲鈍,能活動自如的蟹表示體內油質亦不豐富。

Sunday, September 17, 2006

徐渭

今日讀信報劉健威專欄,淺談明朝文學、書畫家徐渭(音櫃),其悲情人生可比梵高,值得留blog紀敍一番.

徐渭,字文長,號天池、清藤等,平生仕途不展,多次婚姻失敗,又入過獄,自殺多次又不遂... 縱使人生充滿悲劇,卻才華橫溢。




書法以草書著名, 憤世疾俗。畫以水墨成名,如其狂草書法,用墨淋漓,充滿動感。對後世水墨書法家影響深遠、包括鄭燮齊白石吳昌碩等.

因為徐生, 我翻閱了多個中國畫家,平時聽得多齊白石張大千,但實際佢地係咩年代都畫咩,真係唔清唔楚。因此順道map幾條link,有興趣可Click去睇下。

Wednesday, September 06, 2006

西環之旅

今日去西環見客, 香港最大既日本食品批發-大發行, 見識到原來平時見d餐廳超市酒店舖頭仔, 佢地d日本食品, 如鰻魚汁, 味噌, 清酒, 三文魚等等等等日本食品, 好多都黎自大發行, 真係唔見過都唔知... 西環仲有門市, 好citisuper.

見完客後, 阿基介紹去左西環原來甚朵既"源記甜品專家"食糖水, 係個開心大發現.


center

圖為杏仁露同全蛋蛋糕, 唔太甜, 好滑.



古樸有如飛鷹, 又一實而不華好餐廳 ...



門外留影

Tuesday, August 29, 2006

阿燆風雲

綜合多日所見所聞, 得以下結論.

1. 狗仔隊跟蹤式採訪+色情香艷雜誌 同 偷拍更衣係兩回事, 前者可以係有故事性既八封新聞, 但後者係純粹偷窺, 點講得通咩知情權同新聞自由.

2. 阿嬌轉危為機, 可謂為"窮途未必係末路", "逆境自強"等勵志通識教育, 港台節目等既好教材, 好題材.

3. 查實便利大賣既真正原因並非阿嬌事件, 而係芙妹寫真...


















( 上圖 : 便利芙妹肉照一張, support我點3既講法 )

4. 無記同演藝界借勢玩道得文革, 批鬥壹仔, 最終目的: 世上只有唱好佢地既傳媒工作者, 冇爆料既狗仔隊.

5. 阿嬌風雲賀歲片大製作台前幕後名單:




導演 : 壹仔主席肥佬黎, 演藝人協會名譽會長成大哥
編導 : 智能扮熟陳總經理
主演 : 阿嬌, 肥杏, 張歌神, 方廚神(露憐憫眼神...) 及其餘300個9唔搭8一大班臨事特約演員
特別介紹 : 李蘊(Cream, 聲稱被誘騙拍下濕身照, 於節目中途感身體不適,頭暈眼花...)
片長 : 一兩個禮拜
級數 : I級鬧劇
院線 : 各大報紙檔, 無線娛樂新聞台
贊助團體 : 演藝人協會、婦團、twins fan club、民建聯(進行無聊街訪,677名受訪市民中,有近九成認為《便利》刊登偷拍更衣照,會對青少年造成負面影響, 影響左d社會風氣, 講左一堆空氣.......)


參考資料

http://hk.news.yahoo.com/060828/12/1s300.html
http://hk.news.yahoo.com/060828/12/1s35l.html

非平衡體系 nonequilibruim systems

記得早幾日回過一編"壓力論", 指出俾自己壓力, 可以係好事, 甚至可以不斷增加, 亦未必有大問題, 反而可以推動工作, 令人生有所寄予. 但如果有人忽然指出"你可能太大壓力", 反而令自己有不必要的心理負擔, 提早爆發點的到來.今日睇信報讀到一樣野叫非平衡體系(nonequilibruim systems), 似乎側面支援我的看法, 可作延伸閱讀.

唔少人到沙灘都會玩砌堡壘遊戲,通常到達某一體積便崩塌。1987年三位物理學家Per Bak、 Chao Tang及Kurt Weisenfeld亦玩過呢個遊戲。有人提出疑問:到底沙堡壘到邊一個體積才崩塌?為求答案,三位物理學家返紐約Brookhaven國家實驗室開始玩砌沙堡壘遊戲,其後將之變成電腦程式,利用模擬方式電腦內砌沙堡壘。經過過百萬次砌沙堡壘後,結果發現「體積」並唔重要,有時好細亦會塌下來,有時高高仍未塌,決定因素係每桶沙倒下之時必須小心輕放,以及達至平衡;如放之時唔小心擾亂平衡,便會產生崩塌情況。其後佢地求出一條方程式叫非平衡體系(nonequilibruim systems),依家已應用於防止雪崩出現或山泥傾瀉。例如雪山下一場大雪,只要雪分佈達致平衡狀態,係唔會出現雪崩(反而體積唔重要);反之,如雪分佈出現非平衡狀態,便好易引發雪崩。山泥亦一樣,如達至平衡分佈冇問題;反之,如出現非平衡狀態,便會出現山泥傾瀉。利用呢條方程式,可及時阻止非平衡態出現(例如炸掉其中唔平衡狀態下雪或山泥),便可防止雪崩或山泥傾瀉出現。換言之,今天雪山或山泥透過電腦輸入數據分析,變成完全可預測會否出現雪崩或山泥傾瀉。

這裡我可作進一步釋述, 對於壓力多少未必人盡相同, 臨界點亦每每不同. 在"平衡狀態"下, 多一點壓力未必係壞事, 但只要有外來因素侵擾, 或心理有所動搖, 爆發點可以未係極限.

Monday, June 19, 2006

收費電視

監於本人亦受不了世界盃壓力而安裝有線, 實在很有興趣有線條數係點計. 做左一輪簡單而粗疏既research後, 得出下列數據.

1. 有線家庭客仔收費. 以有波睇Plan計, 正價$269, 爛價$189, 我俾$229, 未計外加channel或睇四仔台.
2. 有線商業用戶收費. 每間卡拉OK 房 $3,500 - 5,000 月費
3. 有線05年總用戶738000, 加左5%, 平均每戶收$212. (Cable 05年報)
4. 有線獨家轉費世界盃, 代價係1億3千萬, 未計其他攪function支出.
5. 有線年報話 sales 行 pay-for-performance system, 有機會冇老底...
6. 有線(1097)16/6收市價$1.71, P/E 5.96, 高峰期去過三蚊. TVB(511)收43.75, P/E 16.24. 又一個實例證明講股佬用P/E及同業比較做買賣理由只係可以騙到d師奶...

有線雖然已進入回本期, 但TVB己殺到, 市場要新鮮既野, TVB除左有比較強既劇集後台, 亦有無線電視催眠代宣傳, 只要無線攞埋世界盃及其他大賽轉播權, 形勢可以大轉.